港超聯 未驚過！冠忠南區主場同理文鬥攻
2024年04月26日 19:45
東網電視
更多新聞短片
港超聯：冠忠南區 vs 理文
收看直播，請按直播ICON，或按下面鏈結：
周六（27日）假香港仔運動場上演1場「中銀人壽香港超級聯賽」，由冠忠南區主場迎戰理文。上場主場吞下敗仗的南區，再於地頭出擊勢必加多兩錢肉緊，至於「黃黑軍團」為保持榜首優勢，是役就算作客都會照主動搶攻，對攻大戰一觸即發。（on.cc東網周六下午3時直播；港台電視32周六晚6時播映）
南區上場聯賽意外不敵深水埗，今場硬撼理文，主教練楊正光表示鑑於對方擅打快速反擊，預期會踢得較為謹慎：「理文有艾華頓同基華尼頓雙翼齊飛，反擊速度好快，所以呢場我哋應該會將防線縮番後少少，盡量唔好畀咁多機會佢哋。」壞消息是古安奴和鞠盈智俱有傷在身，未能候命，對人腳調動構成一定影響。
近期上陣機會漸多的李小恆（Raphael），稱球隊去仗遭深水埗擊敗後，急須勝仗來重振士氣，揚言全隊會克服所有困難，盡力為球迷送上精彩賽事：「今個禮拜係咁落雨，我諗到踢嗰陣天氣都唔會太好，所以兩隊應該會踢得好辛苦，希望球隊可以踢出教練部署，踢番場好波畀球迷睇。」
上場擊敗港會後，理文趁爭標對手傑志和大埔失分，成功將積分榜首之優勢增至3分，主教練曾昭達認為重奪爭冠主動權是好事，希望球隊在餘下的聯賽可以好好發揮。理文首循環曾以3比2險勝南區，「達Sir」認為今次交鋒形勢會有許多不同：「南區加入積遜同冨樫凌央後，踢法上係有咗變化，要留意對手幾位危險人物。近幾日都滂沱大雨，球場情況都令人擔心。」幾位傷兵列斯奧、杜度及黃俊皓已進入康復最後階段，李毅凱停賽後今場可以復出。
理文左閘立花稜也（Tachi）今場再有機會同艾華正面交鋒，Tachi承認這位快翼不易對付：「艾華係速度好快嘅球員，對住佢我都有啲緊張，但為咗攞冠軍我哋必須贏波，因為咁我死都會嘜實佢。」Tachi指出其職業生涯內，從未試過奪冠，因此非常希望能隨理文一嘗捧盃滋味。
【兩隊預計正選陣容】
冠忠南區
門將：25.伍瑋謙
後衞：8.李嘉耀 12.杜馬思 4.川瀨浩太 16.翟廷峯
中場：11.佐佐木周 6.基斯 33.冨樫凌央
前鋒：18.艾華 7.史提芬彭利拿 17.李小恆
理文
門將：28.陳嘉豪
後衞：3.徐宏傑 5.余煒廉 14.荷西安祖 4.立花稜也
中場：16.顏樂楓 6.胡晉銘 7.保利臣
前鋒：8.艾華頓 9.安尼亞 17.張憙延