英超早场 利物浦格食格上盘扑锤
2024年04月27日 13:02
东网电视
更多新闻短片
英超韦斯咸主场迎战利物浦。
周六(27日)晚英超早场，韦斯咸主场迎战利物浦。“红军”上场喺“默郡打吡”净吞爱华顿两蛋，争标美梦几近幻灭，球队现时最需要一场胜仗振军心，今场对韦斯咸就系好机会，事关佢哋近5次对韦斯咸全胜，摆明格食格，加上“锤仔帮”打算今夏换帅，领队莫耶斯季尾约满后不获留用，影响士气，利物浦让1球照捧上盘。(Now 621及611周六晚7时30分直播)
利物浦上场输波后排第3，落后阿仙奴同曼城3分同2分，虽然数字上仲未绝望，但系夺标赔率急剧转冷去到25倍，佢哋馀下时间唯一要做嘅就系赢晒最后4轮，再等奇迹出现，例如争标3强嚟紧都要对热刺，真系乜事都有可能发生，利物浦唔应该咁易放弃。
今场迪亚高祖达继续养伤缺阵，加普亦上阵成疑，“红军3叉戟”得番穆罕默德沙拿、达云纽尼斯同路易斯迪亚斯。好彩中场人脚相对完整，料领队高普会用远藤航取代居迪斯锺斯，后防排阵不变，呢个阵容对住韦斯咸应该够杀。
睇好利物浦嘅最大原因，就系韦斯咸近况实在曳到爆，近4场1和3负，近8场仅得1胜；“锤仔帮”自从欧霸杯8强遭利华古逊淘汰后，成队波泄晒气。睇番佢哋季尾最后4轮，除咗今场硬撼利物浦，煞科日仲要恶斗曼城，争取欧战入场券相当艰难，球队近日更爆出换帅传闻，严重打击士气，领队莫耶斯准备执包袱，球员亦好难集中精神比赛，上轮联赛2比5大败于水晶宫脚下已经系最佳写照，今场随时再输镬甘，一于捧上盘。
更多赔率：