港超聯　入波做救世主　基華尼頓：繼續保持專注

周六（27日）作客香港仔運動場的理文，於港超聯以1比0擊敗冠忠南區，其中後備入替的基華尼頓（Gil）就成為「黃黑軍團」救世主，這位巴西前鋒對打破入球荒感開心，並相信球隊吸取上季爭冠失利經驗，以面對聯賽最後直路的挑戰。

力爭首座聯賽錦標的理文，今場雖然場面佔優，但面對南區頑強抵抗，遲遲找不到破門良方，直至下半場才靠後備入替的基華尼頓一箭定江山。Gil傷愈復出後終於斬獲士哥，兼打破3個月入球荒，Gil入球後不斷用葡文喊出助語詞，激動地脫去上衣，做出招牌模仿野獸的慶祝動作。「好開心可以用入波幫助球隊，過去3場波我不斷嘗試，唔夠運入波我都幾失落，不過最緊要今日做到，感謝上帝，令球隊保住爭冠優勢。」Gil賽後表示。

理文全取3分後，繼續保持榜首領先優勢，餘下3場聯賽賽事，Gil相信球隊已吸取上季衝冠失敗的教訓，並且已有所成長：「我哋透過上季學習咗好多嘢，嚟緊幾場波都唔易踢，希望球隊繼續保持專注。」