福仔繼續缺陣　曼聯又有得贏？

曼聯將於周六(27日)晚英超主場對般尼，賽前紅魔鬼主帥坦哈格表示，今場大軍名單同上仗贏錫菲聯基本上一樣，只係加入傷愈嘅美臣蒙特，換言之前鋒拉舒福特繼續缺陣。

坦哈格話：「今場名單同上場一樣，只多咗美臣蒙特，球季結束之前，我哋仲可以見到安東尼馬迪爾、利辛度馬天尼斯、勞基梳爾，佢哋已經復操。」

至於講到拉舒福特被外界批評狀態差，坦哈格話：「呢方面問題同佢自己有關，當然亦同球隊有關，球隊同球員互相關聯。」近期不斷有聲音批評拉舒福特場上表現消極，甚至阻礙球隊進攻，曼聯上場缺少呢位英格蘭國腳，立即以4比2擊敗錫菲聯，打破連續4場英超不勝頹勢，拉舒福特今場繼續缺陣，難怪輿論睇好曼聯可以再贏1場。