夏蘭特復操　曼城「滿血」衝冠

曼城前鋒艾寧夏蘭特因為受傷，缺陣近2場比賽，幸好呢位挪威國腳嘅傷勢已經冇大礙，並有份參加周五(26日)操練，可望復出踢周日(28日)晚英超作客諾定咸森林。

艾寧夏蘭特自歐聯8強次回合對皇馬之後，就冇再上陣，但曼城表現並冇受影響，近2場分別喺英足盃4強以1比0擊敗車路士，以及上場英超大勝白禮頓4比0，頂替艾寧夏蘭特位置嘅祖利安艾華利斯，上場射入1球，如今夏蘭特傷愈，令球隊如虎添翼。

艾寧夏蘭特喺社交網上載自己操練相片話：「仲有6場決賽，一齊衝啦啦！」相信佢係想講曼城今季剩下6場比賽，包括5場英超及1場英足盃決賽，要贏晒兩項冠軍。