夏兰特复操　曼城“满血”冲冠

曼城前锋艾宁夏兰特因为受伤，缺阵近2场比赛，幸好呢位挪威国脚嘅伤势已经冇大碍，并有份参加周五(26日)操练，可望复出踢周日(28日)晚英超作客诺定咸森林。

艾宁夏兰特自欧联8强次回合对皇马之后，就冇再上阵，但曼城表现并冇受影响，近2场分别喺英足杯4强以1比0击败车路士，以及上场英超大胜白礼顿4比0，顶替艾宁夏兰特位置嘅祖利安艾华利斯，上场射入1球，如今夏兰特伤愈，令球队如虎添翼。

艾宁夏兰特喺社交网上载自己操练相片话：“仲有6场决赛，一齐冲啦啦！”相信佢系想讲曼城今季剩下6场比赛，包括5场英超及1场英足杯决赛，要赢晒两项冠军。