有心有力　50歲傑斯將第三度做爸爸

曼聯名宿傑斯雖然已經50歲，但仍然有心有力，根據英國《太陽報》爆料，呢位傳奇翼鋒嘅女友Zara Charles已經懷有身孕，加上傑斯同前妻育有兩名仔女，換言之佢將第三度做爸爸，完成「帽子戲法」。

傑斯早年同青梅竹馬嘅Stacey Cooke結婚，兩人嘅女兒Libby已經19歲，囝囝Zach現年17歲，並且繼承傑斯衣缽做足球員，效力錫菲聯。傑斯因為同弟婦不倫之戀曝光，2017年同Stacey Cooke離婚。

雖然傑斯私生活混亂，並曾捲入家暴官非，但佢同內衣模特兒Zara Charles相戀3年，感情仍然穩定，依家仲有埋兩人愛情結晶品，傑斯或者會修心養性。