港超聯　大埔作客3球挫港會

「中銀人壽香港超級聯賽」周日（28日）假香港足球會足球場上演壓軸賽事，港會主場挑戰大埔。結果「綠戰士」反客為主，憑盧卡斯、陳肇鈞及比迪高各入1球，以3比0擊敗港會，繼續緊追前列分子。

兩軍今季首次於聯賽交手，港會正選派出3名U22兵，包括周子謙、李俊諺及門將馮朗軒，戴起隊長臂章的後防大將菲杜化重返正選大軍，簡嘉亨及加斯特夫提供兩翼側擊，支援前鋒泰亞高；「綠戰士」正選陣容作出1個變動，蔡立靖復任正選，比迪高、陳肇鈞及馮冠鳴坐鎮中場，箭頭盧卡斯擔起入球重責。

大埔上半場踢得較為主動，不過面對港會銅牆鐵壁，具威脅埋門機會不多。22分鐘港會前場罰球機會，劉學銘操刀直射中柱彈出。其中大埔終於打破缺口，盧卡斯禁區內的射門，笠過港會門將馮朗軒入網，35分鐘為「綠戰士」取得領先優勢，大埔半場帶着1球優勢回更衣室。

換邊後港會搶回不少控球權，但幾次進攻都未能形成威脅射門，雙方一度陷入膠着。大埔繼續努力尋找燕梳球，66分鐘馬卡雷拿接應直線，禁區內起腳中網側。「綠戰士」的努力在75分鐘收到回報，李家豪右路傳中，陳肇鈞接應一頂入網。補時階段，大埔再有比迪高錦上添花。最終大埔以3比0擊敗港會，重返勝軌。

為大埔拉開比數的陳肇鈞，賽後就對再斬獲入球感開心：「早幾場都試過詐胡，係需要一球入波去攞番啲信心，今日係應該可以把握更多入波機會，現時球隊10日內要踢4場波，希望呢場攞多啲入球觸覺。」談到爭標形勢，陳肇鈞強調不會理會前列競爭對手理文及傑志的情況。對於競逐「香港足球先生」，陳肇鈞則表示：「有冇獎攞只係副產品，最緊要係點樣應付自己嘅足球生涯，其他嘢順其自然，唔想畀自己太大壓力，開心享受每場波更重要。」

港會今場有積施利及白星馳停賽，主教練東尼咸美頓承認主力缺陣對球隊表現有影響，並指出埋門質素成為今場勝負分野：「球隊形勢上踢得唔差，用波做得唔錯，但去到前場危險位置，球員嘅猶疑不決，令全隊付出代價。」東尼咸美頓喜見菲杜化處理完家事後，今場重返正選大軍，相信下月作客再鬥大埔時，能交出更好表現。