法蘭基迪莊傷勢有手尾　隨時無緣歐國盃

巴塞隆拿中場法蘭基迪莊早前西甲對皇馬，因為右腳足踝受傷退下火線，原本預料休息4至5星期，但根據醫生巴約透露，呢位荷蘭國腳傷勢有手尾，建議佢唔好參加6月中展開嘅歐國盃。

法蘭基迪莊今季已經3次右腳足踝受傷，醫生巴約接受傳媒訪問時話：「對於呢種反復發作嘅傷患問題，如果太心急復出，將無法達到預期恢復效果，同時會令球員產生心理陰影，所以法蘭基迪莊應該要有更長時間休養，唔好去踢歐國盃，等佢傷勢完全康復，下季先至可以最佳狀態比賽。」

法蘭基迪莊屬於荷蘭國家隊主力，如果佢缺陣歐國盃，對球隊肯定係重大打擊。