拉舒福特表現差　PSG剔出收購名單

巴黎聖日耳門(PSG)近日更新收購名單，據報佢哋已將曼聯前鋒拉舒福特剔出收購名單，轉向其他目標，希望尋找基利安麥巴比離隊後嘅新進攻重心。

PSG一直努力物色麥巴比接班人，而且不止一次同拉舒福特扯上關係，傳得最勁係上季拉舒福特同曼聯續約前，但隨着「福仔」同曼聯完成續約而停止接觸，不過PSG仍然關注拉舒福特表現。

拉舒福特續約後周薪加到32.5萬鎊，合約尚餘4年，如果PSG想簽佢，轉會費必定屬天價，不過「福仔」今季表現急速下滑，僅交出8入球5助攻數據，其在《轉會市場》估價亦由高峰期8,500萬鎊跌到現時只值6,000萬鎊。

《inews》報道，由於麥巴比今夏離隊，PSG開始着手斟介繼任人，會方有一分3至4人收購名單，俱為年輕及渴望進步新星，不過拉舒福特因表現太差，已被剔出收購名單，轉而向其他目標埋手，其中一個目標，就係拿玻里前鋒域陀奧森漢。