車仔搵施華接班人　睇中士砵亭天才中堅

車路士老將堤亞高施華日前宣布季尾離隊，有傳車仔睇中士砵亭天才中堅奧士文尼迪奧文迪，希望搵佢做堤亞高施華接班人。

士砵亭今季於葡超長居榜首，奧士文尼迪奧文迪於防線表現穩健之餘，並有3球進帳，除此之外，呢位20歲中堅亦係今年科特迪瓦勇奪非國盃冠軍成員之一，因此受到車仔、阿仙奴、利物浦同皇馬垂青。奧士文尼迪奧文迪雖然同士砵亭仲有3年合約，不過有指其合約包含6,800萬鎊嘅解約條款，不過車仔諗縮數想再壓低啲個價，加上佢哋下年可能冇得踢歐洲賽，咁搞法未必吸引到呢位新星加盟。