今季0上陣　超級後備願續留曼聯

曼聯今夏將會進行大清洗，據報除海倫、阿歷真度加拿祖同馬恩奧之外，其餘球員都可以被出售，不過今季從未上陣嘅3號門將湯希頓，據報夏天約滿後有機會留隊，加入曼聯教練團。

38歲嘅湯希頓自2021年加盟後，從未喺英超上過陣，佢同球會合約今夏完結，不過據《曼徹斯特晚報》報道，曼聯對湯希頓喺更衣室嘅影響力表示欣賞，有意邀請佢加入教練團。

湯希頓上年曾獲盧頓垂青，但佢決定留喺曼聯，佢當時表示：「我原來想做2號門將競爭，不過我知道球會形勢，所以冇嘢好投訴。我覺得自己喺曼聯有未完成嘅使命，而且大家對我都有好多正面嘅評價。」