準備上艦　麥巴比豪花3.4億買馬德里兩大豪宅

巴黎聖日耳門(PSG)前鋒基利安麥巴比將於今夏約滿，轉投皇馬已經成為公開嘅秘密，根據西班牙媒體《Vozpopuli》爆料，呢位25歲法國國腳嘅團隊人員，正在馬德里幫佢處理居住問題，包括將斥資4,000萬歐元(約3.4億港元)買入當地兩間豪宅。

據悉一間豪宅位於馬德里北部地區La Moralej，另一間位於西部地區Pozuelo de Alarcon，兩間合共總值4,000萬歐元，其中一間豪宅仲係前皇馬隊長沙治奧拉莫斯嘅前居所。

基利安麥巴比今季為巴黎聖日耳門各項上陣45場入43球，並已協助球隊奪得今季法甲冠軍，PSG將於周三(8日)凌晨歐聯4強次回合主場對多蒙特，PSG首回合輸0比1，能否反敗為勝，麥巴比發揮將成為關鍵。