港超聯　大埔場踢夜波　李家豪：適應冇問題

大埔周二（7日）晚上在主場出戰「中銀人壽香港超級聯賽」，並以3比0擊敗港會，其中早段以1記帶有幸運成分的入球，助大埔擴大領先的李家豪，表示球隊不時安排在晚上到主場操練，因此對是役在晚間出擊未有感到難以適應。

大埔今場迅速入局，其中李家豪6分鐘把握港會遲遲未能解圍，本欲用左腳傳入中間，豈料皮球直接入網，助球隊領先至2比0，「家豪」坦言入球有幸運成份：「本身諗住求其踢番粒埋中間就算，而且係用左腳（非慣用腳）踢，點知竟然直接入波，嗰刻我都開心到有少少唔識反應。」

大埔運動場在港超時期未曾用作夜間作賽，因此足總作此安排後，引起球迷熱議，但「家豪」認為球隊適應不成問題：「其實我哋有時夜晚都會嚟呢個場練波，所以大家踢得唔算辛苦，而且九龍灣公園嗰場仲黑過呢度，喺嗰邊仲要踢仿草，所以我覺得嚟大埔場踢夜波都可以接受。」