葉士域治大展拳腳　6,000萬鎊搶阿仙奴雙星

葉士域治相隔22年後再戰英超，球隊即時為下季組軍展開準備，據報佢哋有意「打包」阿仙奴2名年輕球星伊美路維同尼基迪亞，轉會費總值達6,000萬鎊。

著名網媒《Teamnewsandtix》報道，葉士域治升班後將繼續採年輕及本土路線，領隊基蘭麥堅拿睇中阿仙奴雙星，前鋒尼基迪亞同進攻中場伊美路維近年都入選過英格蘭國家隊，不過今季喺「兵工廠」長居後備，而且兩人依家只係24歲同23歲，所以願意動用6,000萬鎊搶人。

葉士域治上年向車路士借用嘅奧馬利赫捷臣，今季英冠交出10個入波同5次助攻，呢位20歲中場同樣係阿仙奴青訓出身，消息指葉士域治將會向車路士提出「續借」1年。