迪基亞做成人網紅？專家話好搵過踢曼聯！

西班牙門將迪基亞去年被曼聯拋棄後，至今仍然未有班落，33歲嘅佢仲可唔可以延續足球生命係未知數，不過最近就有模特兒經紀公司估算，如果迪基亞願意拍裸照，投身做成人網紅，預計每個月可以賺210萬鎊，比起佢之前效力曼聯嘅收入更高！

西班牙媒體《La Razon》報道，近年唔少運動員都加入好似OnlyFans嘅會員制平台，包括體操選手、車手、衝浪運動員等等，佢哋藉本身名氣，再透過裸露身體而大受歡迎，有模特兒經紀公司就計算出最有潛質做成人網紅嘅運動員，迪基亞就排第1位。

迪基亞身型同外貌都唔差，加上前曼聯球星同西班牙國腳嘅名氣，專家估計佢如果做成人網紅，每月可以吸金210萬鎊，遠高於佢喺曼聯嘅35萬鎊周薪。有趣嘅係，迪基亞亦喺社交網作出回應，對報道留咗3個「笑到喊」嘅emoji話：「我一直喺度浪費緊時間！」