足總盃　助球隊闖決賽　巴科爾：唔會睇低深水埗

東方周日（12日）在「足總盃」4強憑巴科爾梅開二度，以2比1力挫尾段有保羅被逐的傑志，殺入決賽，將與深水埗爭冠軍，這位入球功臣賽後直言，即使球隊在決賽被看高一線，都會謹慎應付，絕不鬆懈。

連同今仗在內，東方本季各項賽事4次面對「藍鳥」，在90分鐘皆保持不敗兼兩度獲勝，巴科爾表示所有球員一直保持高昂鬥志奮戰，才令球隊有力擊敗強敵：「成功冇捷徑㗎，要贏到傑志呢啲強隊，賽前部署好緊要，球員都要準備好一上場就要同佢哋鍊過，好開心大家終於達成目標，進軍決賽。」

東方到決賽將會面對日前爆冷淘汰理文的深水埗，但巴科爾未敢放鬆，揚言全隊定必全力以赴：「喺足球世界咩事都有可能發生，深水埗上場贏咗理文，證明佢哋實力都有咁上下，所以我哋一定會全力出擊，唔會諗住自己贏硬。」巴科爾又透露自己與東方的合約即將到期，現階段會專注賽事，隨後再處理相關事宜。