艾納斯有意簽般費　報價令曼聯無法拒絕

日前傳出般奴費南迪斯有意離開曼聯後，消息震動市場，沙特阿拉伯方面立即有動作，據報豪門艾納斯準備出手，打算開出一個曼聯無法抗拒嘅價錢，招攬般費來投。

29歲嘅般奴費南迪斯對曼聯感到失望，打算離隊，有報道指佢下一站係拜仁慕尼黑，期望在30歲前贏取重要錦標，但同時來自沙特嘅聘約亦不容忽視。

《ESPN》報道，艾納斯打算新球季再度擴軍，簽入1名進攻中場、1名副選門將及1名年輕前鋒，其中進攻中場位置般費係最理想人選，將可以同王牌射手C朗合作。

早在去年11月，有消息稱沙特1支球隊有意簽入般費，準備向曼聯報價1億歐元(約8.4億港元)，現時艾納斯將會有實際行動，消息人士指，艾納斯相信只要叫價夠高，就可以令曼聯放人。

消息人士又指，曼聯現時財政狀況緊張，由於來季無緣歐聯，組軍預算要視乎出售球員狀況而定，如果出售隊長可收取可觀轉會費，對曼聯有一定吸引力。