沙拿艾利臣成沙特目標　利物浦勢被拆骨

沙特聯賽為加強影響力，今夏將繼續大手筆收購頂級球員，據報利物浦王牌射手穆罕默德沙拿同門將艾利臣比加成為首要目標，高普離隊後紅軍面臨被拆骨命運。

《衞報》報道，沙特聯賽來季外援名額由6人增至8人，而且除咗傳統4支豪門球隊，其餘球隊都會加大投資，整個聯賽對頂級球員需求不斷增加，而沙拿同艾利臣都係頭號獵物，成為今夏增兵嘅重點對象。

特別係沙拿，沙特球隊去年夏天曾開價1.5億鎊(約14.8億港元)轉會費求購，但遭紅軍拒絕，今夏沙特方面打算捲土重來，而早在3月已有消息傳出，沙拿同伊蒂哈德達成協議，等待球季結束就宣布，轉會費同年薪都係天文數字。

至於艾利臣比加，據報獲多支沙特球隊垂青，不愁出路。此外，沙特亦對卡斯米路、華拉尼、般奴費南迪斯等曼聯兵感興趣，總之對於英超球星，沙特來者不拒。