C朗式待遇！皇馬請施丹出席麥巴比加盟儀式

根據西班牙媒體《Defensa Central》爆料，皇馬正在籌備基利安麥巴比加盟歡迎儀式，並會邀請施丹出席，代表兩代法國球王傳承，就如2009年皇馬簽入C朗，搵來葡萄牙傳奇射手尤西比奧出席儀式一樣。

基利安麥巴比早前已經宣布今夏約滿，離開巴黎聖日耳門，雖然呢位25歲法國國腳冇透露去向，但一般相信將會加盟皇馬，盛傳等皇馬下月初踢完歐聯決賽之後，就會公布麥巴比加盟消息。

西班牙媒體《Defensa Central》指皇馬將會邀請施丹出席做嘉賓，據悉呢位名帥已經答應，一來佢非常欣賞後輩麥巴比，二來施丹無論球員時代或者教練生涯，都喺皇馬取得輝煌成就，自然樂意為「銀河艦隊」造勢。