沙特新贵升班即大搞　斟摩连奴同文尼

沙特联赛球会富甲一方，下季升上沙特超嘅艾卡迪斯亚(Al-Qadsiah)，据报将会“大搞”同列强争霸，目标包括艾纳斯前锋沙迪奥文尼，另外仲想请“寸王”摩连奴出任总监。

艾卡迪斯亚上季喺甲组联赛称霸，升班后雄心勃勃，之前传过想签贝迪斯中场费基亚同利物浦中坚华基尔云迪积克，据《Wiwsport》报道，佢哋依家计划签艾纳斯前锋沙迪奥文尼，呢位塞内加尔前锋上季加盟艾纳斯后表现未如预期，30场联赛只入13球，艾纳斯亦唔介意将佢放走。

除咗收购球星之外，意大利传媒指艾卡迪斯亚亦打摩连奴主意，但唔系搵佢执教，而系出任球会技术总监一职，负责艾卡迪斯亚升班后嘅全盘发展计划。摩连奴早前曾表示有兴趣去沙特工作，对于呢个全新工作持开放态度。