【官宣】盧比迪古執教韋斯咸　上任即遇難題

英超球會韋斯咸周四(23日)宣布，正式聘請西班牙教頭盧比迪古出任主帥，雙方簽約2年。盧比迪古重返英超即遇難題，除中場核心盧卡斯柏基達被英足總檢控「局部操控比賽」外，佢同德國籍總監史甸頓據報亦有權力鬥爭，帥位唔易坐。

57歲嘅盧比迪古曾執教狼隊1季，上年聯賽開咧前突然辭職，之後一直未有落班，今次加盟韋斯咸後表示：「好開心可以成為呢間大球會未來一部份，我覺得球會已有紮實根基，作為領隊嘅目標，就係一直進步去達成更大目標，令韋斯咸成為更有競爭力嘅球隊。」

據報韋斯咸總監史甸頓屬意魯賓艾摩廉執教，而盧比迪古就係班主蘇利雲嘅心水，雖然史甸頓「識撈」冇逆老闆意思，但盧比迪古今次職位係「教練」而非「領隊」，代表轉會權仍然會由史甸頓控制，兩人可唔可以順利合作，係韋斯咸發展嘅關鍵。