【官宣】卢比迪古执教韦斯咸　上任即遇难题

英超球会韦斯咸周四(23日)宣布，正式聘请西班牙教头卢比迪古出任主帅，双方签约2年。卢比迪古重返英超即遇难题，除中场核心卢卡斯柏基达被英足总检控“局部操控比赛”外，佢同德国籍总监史甸顿据报亦有权力斗争，帅位唔易坐。

57岁嘅卢比迪古曾执教狼队1季，上年联赛开咧前突然辞职，之后一直未有落班，今次加盟韦斯咸后表示：“好开心可以成为呢间大球会未来一部份，我觉得球会已有扎实根基，作为领队嘅目标，就系一直进步去达成更大目标，令韦斯咸成为更有竞争力嘅球队。”

据报韦斯咸总监史甸顿属意鲁宾艾摩廉执教，而卢比迪古就系班主苏利云嘅心水，虽然史甸顿“识捞”冇逆老板意思，但卢比迪古今次职位系“教练”而非“领队”，代表转会权仍然会由史甸顿控制，两人可唔可以顺利合作，系韦斯咸发展嘅关键。