曼聯大鑊!馬古尼確實無緣英足盃決賽

2024年05月24日 10:01
東網電視
更多新聞短片
哈利馬古尼(左)自4月底之後,一直受傷缺陣。(Getty Images)
曼聯將於周六(25日)晚英足盃決賽對曼城,賽前紅魔鬼遭受不利消息打擊,領隊坦哈格表示,中堅哈利馬古尼傷勢仍然未痊愈,肯定無緣今場大戰。
美臣蒙特、域陀連迪路夫同安東尼馬迪爾日前已復操,但哈利馬古尼仲未掂,坦哈格話:「馬古尼嘅康復進度不及預期,無法上陣對曼城,其他幾位復操球員就可以披甲。」馬古尼自4月底英超對般尼之後,一直受傷缺陣。
另外,盛傳英足盃決賽之後,坦哈格就會被炒,但佢仍然認為自己可以留任:「對於我嘅未來,我冇必要公開講,只會專注必須做嘅工作,現時只會諗點樣去贏英足盃決賽。」