亞冠盃終極一戰 免費台直播
2024年05月25日 17:02
東網電視
更多新聞短片
亞冠盃決賽次回合，艾阿恩主場迎戰橫濱水手。
亞冠盃決賽次回合，艾阿恩主場迎戰橫濱水手。首回合日職勁旅橫濱水手2比1反勝對手暫時領先，雖然今場只要唔輸即可封王，但踢波最忌咁諗；水手踢法相當進取，往績亦有保證，近5場亞冠盃4勝1負，有力「雙殺」對手捧盃，客勝睇高一線。（HOY TV 76台周日凌晨零時直播）
首回合賽事，主場出擊嘅橫濱水手開賽12分鐘即被艾阿恩攻破大門，半場落後0比1，但水手球員勝在經驗豐富，72分鐘憑植中朝日接應恩蘇沙傳送扳平1比1，其後宮市亮助攻渡邊皓太建功，84分鐘完成絕殺反勝2比1，主帥基維爾今場帶住贏波優勢遠征阿聯酋作客，以佢哋喺今屆亞冠盃嘅強勢表現，贏面相當高。
由基斯普領軍嘅艾阿恩晉級過程先後淘汰艾納斯及希拉爾兩大沙特豪門，實力不容小覷，但佢哋心急收復失地定必強攻，後防將暴露更多空位給予水手反擊機會，隨時再輸多鋪；05年歐聯決賽基斯普所屬嘅AC米蘭，曾經被基維爾當時效力利物浦反勝捧盃，多年後兩人換個角色再交手，睇嚟都係基維爾贏面較高，客勝博得過。
更多賠率：