【爆笑】沙拿新髮型示人　包你認唔出

英超已經收咧，球星們開始放假抖暑，利物浦前鋒穆罕默德沙拿亦外出度假，並且罕有剪短頭髮，佢以新髮型示人，不忘自拍放上社交網，令球迷大感驚喜，唔少人直言認唔出呢位31歲埃及國腳。

穆罕默德沙拿一向都係「爆炸頭」，今次唔止剪短，更直接剷咗個Skinhead，但就保持招牌鬍鬚，形象非常突出。幾個鐘頭內已經吸引超過30萬個讚好同留言，大多數人覺得穆罕默德沙拿煥然一新，令人認唔出，亦有人認為呢個髮型夠清爽，十分適合球員。

穆罕默德沙拿仲有1年合約在身，盛傳佢可能今夏離隊去沙特阿拉伯「掘金」，不過佢早前喺社交網發文，表示下季會協助利物浦捲土重來，相信應該會留隊。