【爆笑】沙拿新发型示人　包你认唔出

英超已经收咧，球星们开始放假抖暑，利物浦前锋穆罕默德沙拿亦外出度假，并且罕有剪短头发，佢以新发型示人，不忘自拍放上社交网，令球迷大感惊喜，唔少人直言认唔出呢位31岁埃及国脚。

穆罕默德沙拿一向都系“爆炸头”，今次唔止剪短，更直接铲咗个Skinhead，但就保持招牌胡须，形象非常突出。几个钟头内已经吸引超过30万个赞好同留言，大多数人觉得穆罕默德沙拿焕然一新，令人认唔出，亦有人认为呢个发型够清爽，十分适合球员。

穆罕默德沙拿仲有1年合约在身，盛传佢可能今夏离队去沙特阿拉伯“掘金”，不过佢早前喺社交网发文，表示下季会协助利物浦卷土重来，相信应该会留队。