曼聯進軍歐霸盃 車路士、紐卡素被踢走

2024年05月26日 09:00
東網電視
更多新聞短片
曼聯下季繼續有得踢歐洲賽。(Getty Images)
曼聯贏英足盃冠軍名利雙收,雖然佢哋今季英超排史上最低嘅第8位,但今次捧盃就令佢哋英足盃冠軍身份,獲得下季歐霸盃入場券,預計可以進帳約4,000萬歐元獎金。曼聯搶到歐洲賽資格,亦代表排第6嘅車路士只能出戰歐協聯,而第7位嘅紐卡素就緣盡下季歐洲賽。
英超下季有4個歐聯、2個歐霸同1個歐協聯、合共7個歐戰名額,第8位嘅曼聯如果捧唔盃英足盃,就會10年來首次冇份踢歐洲賽,不過「紅魔鬼」最終爭氣奪冠,《The Athletic》報道曼聯如果喺歐霸拎到好成績,有望得到約4,000萬歐元收入,雖然同歐聯冇得比,但對受財政條例限制嘅曼聯嚟講,仍然係救命獎金。
英超嘅歐洲賽資格塵埃落定,曼城、阿仙奴、利物浦同阿士東維拉會出戰歐聯,曼聯同熱刺就會出戰歐霸盃,車路士要踢歐協聯,而且仲要踢外圍賽附加賽,至於排英超第7位嘅紐卡素就無緣參加下季歐洲賽事。