【德國附】波琴盡地一煲「大」反擊

2024年05月27日 20:00
東網電視
更多新聞短片
今晚德國附加賽次回合,乙組仔杜塞爾多夫主場迎戰德甲波琴,杜塞爾多夫首回合大勝3比0,奪取升班資格機會高唱入雲。至於波琴為力保德甲席位,惟有豁出去搶攻,希望盡快收復失地,以波琴近5場總入球全開3球或以上嘅走勢,一於再追中位數2.5球嘅入球大。(Now 638周二凌晨2時30分直播)
根據賽制,德乙第3位杜塞爾多夫同德甲排尾3嘅波琴,爭奪下季1個德甲席位,杜塞爾多夫4年前降落德乙後,經過不斷改革調整,成績蒸蒸日上,今季季尾愈戰愈勇,最後10場聯賽取得8勝2和,上場附加賽首回合即使作客都採取主攻,贈波琴3蛋,可見杜塞爾多夫爭升班決心非常堅定。
事實上,杜塞爾多夫一向踢法進取,今季德乙34戰合共轟入72球,比冠軍聖保利多10球,火力冠絕德乙。以杜塞爾多夫豪邁作風,就算首回合已領先3球,相信今仗都唔會刻意防守。
至於波琴背水一戰,惟有焗攻,就算未能反勝,估計能夠入波機會仍然相當大。不過,波琴壓前搶攻,難免令原本不穩嘅防線更加空虛,佢哋近5場入8球,但同時失17球,名副其實有前冇後,結果近5場總入球全開3球或以上,其中4場更達到5球或以上,今場有望再次上演入球騷。
更多賠率: