尴尬！阿迪达当选“英超最佳领队”成笑柄

阿仙奴今季英超又屈居亚军，但领队阿迪达仍然喺环球足球“欧洲区颁奖礼”，力压曼城主帅哥迪奥拿、利物浦领队高普，当选英超最佳领队，引起唔少球迷质疑奖项公信力，甚至指系一项“安慰奖”。

环球足球颁奖礼2010年创立，由阿联酋杜拜当局主办，今次颁奖礼属于欧洲区奖项，并喺意大利举行。最具争议一项系英超最佳领队，竟然唔系冠军曼城主帅哥迪奥拿，而系“阿二”阿迪达，引起网民热议。

有人话：“哥迪奥拿赢得英超冠军，曼城入更多波，有更多分，几乎每项数据都比阿仙奴好，但我知道呢个系畀阿迪达嘅安慰奖及同情奖。”另有人直接了当指环球足球颁奖礼系笑话。

不过，其他奖项结果比较正常，例如沙比阿朗素当选欧洲最佳教练，基利安麦巴比当选欧洲最佳球员，哈利卡尼获得欧洲最佳射手。