新時代降臨！巴塞、拜仁官宣新教練

今個夏天歐洲豪門主帥大執位，巴塞隆拿同拜仁慕尼黑兩大名牌，周三(29日)齊齊官宣新帥上任。德國教練費歷克同巴塞隆拿簽約2年、比利時少帥高柏尼就同拜仁慕尼黑簽約到2027年。

費歷克簽約後喺巴塞隆拿發布會亮相，呢位59歲教練表示：「我好榮幸，同巴塞隆拿簽約就好似發夢一樣，我同球會有接近嘅足球哲學，控球同進攻足球係我鍾意嘅踢法，我相同可以同巴塞隆拿一齊實現好多重要嘅任務。」

另外，德甲勁旅拜仁慕尼黑亦宣布高柏尼簽約3年，呢位比利時教頭同樣表明要踢主取足球：「作為一個教練，我會貫徹自己嘅個性，我鍾意控球同創造力，而且要踢得有侵略性同勇氣。我哋要由基本做起建立球隊，當根基打穩，成功就會隨之而來。」