李斯特城睇中　云佬回归英超？

24/25球季重返英超嘅李斯特城，领队马利斯卡即将过档车路士，球会亦急急物色代替人选。据比利时媒体报道，前曼联前锋云尼斯达莱已成李斯特城头号目标，佢上年离开燕豪芬后一直未有落班，有望重返英超搵食。

比利时著名记者Sacha Tavolieri报道，李斯特城属意新领队要系年轻同进攻型，47岁嘅云尼斯达莱就最合心水，佢曾带领燕豪芬赢荷兰杯冠军，亦做过荷兰国家队助教，依家处于自由身状态，斟介难度相对冇咁大。

如果云尼斯达莱答应执教李斯特城，佢同老将前锋占美华迪将会系有“共同话题”，云尼斯达莱曾经喺英超创造连续10场入波纪录，但呢个纪录喺2015年，就系被占美华迪连续11场入波打破。