曼聯未有提供合約　助教麥卡菲離隊

曼聯主帥坦哈格前途未卜，但其教練團成員之一嘅前鋒教練麥卡菲就會率先離隊，據報會方並未向該前南非國腳提供新合約，麥卡菲今季結束就會離開曼聯。

46歲嘅麥卡菲於2022年7月加盟曼聯，係坦哈格教練團一員，《每日鏡報》報道，麥卡菲雖然身型暴漲，但真係幫到手，極受球員歡迎，上季幫拉舒福特復蘇，今季又幫海倫融入球隊，曼聯失去呢位前鋒教練都幾大損失。

報道指麥卡菲離隊後，將返回南非搵食，有機會出任凱撒酋長主教練，佢之前表示：「我想試吓做主教練，依家有機會教練凱撒酋長，我唔會拒絕。」