干地出山執教拿玻里　簽約至2027

又有名帥出山，意大利教頭干地同拿玻里達成協議，新球季再戰意甲，據報干地同拿玻里簽約3年至2027年，年薪總值800萬歐元(約6,800萬港元)。

「轉會專家」羅曼諾報道，干地同拿玻里敲定合約最後細節，包括肖像權、人工同獎金等條款，拿玻里給予干地年薪為800萬歐元，當中600萬歐元為固定人工，另加200萬歐元浮動獎金。

54歲嘅干地去年3月被熱刺辭退後一直沒有工作，傳聞佢會重返祖雲達斯，亦有消息指AC米蘭斟介，最後結果係拿玻里，干地來季將會再戰意甲，佢過去在意甲有唔少成功經驗，包括協助祖記3奪意甲，亦幫過國米20至21年意甲奪冠。