公平咩？尼馬「躺着」成為三冠王

C朗加盟艾納斯1年半以來，總共上陣70場狂入64球，但仍然未能一嘗正式賽事冠軍滋味。反觀另一位球星尼馬上年8月由巴黎聖日耳門轉投希拉爾後，各項賽事僅上陣5場入1球及3次助攻，卻可以陪同球隊成為今季聯賽、超級盃及國王盃「三冠王」，形成強烈對比。

尼馬加盟希拉爾，獲得1.5億歐元(約12.7億港元)年薪，僅少於C朗嘅2億歐元(約17億港元)年薪，但呢位32歲巴西國腳「工作」輕鬆好多，自上年10月為「森巴兵團」踢世界盃外圍賽受傷後，一直缺陣休息。

尼馬變身希拉爾「吉祥物」，球隊缺少呢位前鋒之下，愈戰愈勇，先喺4月超級盃決賽大勝伊蒂哈德4比1，跟住聯賽以14分優勢力壓第2位艾納斯，奪得冠軍，加上今次國王盃決賽贏艾納斯，完成「三冠王」霸業。

尼馬僅為希拉爾上陣5次，但就3次出席捧盃儀式，「奪冠」效率極高。