謝德謙：歐聯決賽戲碼新鮮　為榮譽冇得保留

多蒙特惡鬥皇家馬德里嘅歐聯決賽，將會喺溫布萊舉行，蜜蜂兵團大戰銀河艦隊戲碼相對新鮮，外界普遍認為蜜蜂兵團形勢處下風，一場過嘅決賽相信雙方都會小心應對。

相隔十一年後多蒙特再次闖入歐聯決賽，兩位老將馬高列奧斯和曉姆斯仍在陣，兩人仍然為捧起首個歐聯冠軍而努力。蜜蜂兵團上下相信都想替兩位老將圓夢，不過今場面對銀河艦隊需要做好防守，利用查頓辛祖及艾迪耶美兩名翼鋒打防守反擊，估計今場多蒙特中後場預期將會長期受壓。

銀河艦隊喺歐聯已14次封王，牌面及歷史上都遠勝對手。今場更加係中場大將卻奥斯為皇馬披甲嘅最後一戰，新星祖迪比寧咸將會倒戈舊會。皇馬主帥安察洛提相信會倚重比寧咸及雲尼斯奧斯祖利亞攻打蜂巢，兩人個人突破能力強，喺決賽場合往往可以作出致命嘅攻門，大有機會決賽做英雄。今場估計銀河艦隊最後可以攻破蜂巢，捧盃而回，但形勢大有機會非常拉鋸。