一齊見證首位土耳其球員捧歐聯冠軍

歐聯決賽多蒙特對皇馬，無論勝負都會創造歷史，出現首位捧歐聯冠軍嘅土耳其球員。在此之前，並未有土耳其球員嘗到呢項大賽冠軍滋味，無獨有偶今屆決賽雙方都有土耳其人助陣，分別係皇馬新星艾達古拿，多蒙特中場沙利奧斯簡，點都會改寫歷史。

此前曾經有5位土耳其球員出戰歐聯決賽，包括前利華古遜中場爾迪雷巴斯杜克、前拜仁慕尼黑中場咸美艾天托普、前多蒙特中場紐尼沙軒、前馬體會中場阿達杜倫，以及上屆協助國際米蘭打入決賽嘅中場查漢奴古，但5人都同冠軍擦身而過。

幸好今屆歐聯決賽，皇馬同多蒙特都有土耳其球員，肯定可以打破宿命，至於艾達古拿、沙利奧斯簡，邊位可以成為史上第一位捧歐聯冠軍嘅土耳其球員，大家拭目以待。