41歲連拿告別維拉利爾　並未言退

維拉利爾官方宣布，41歲門將連拿約滿自由身離隊，不過呢位球壇傳奇並未言退，並着手物色職業生涯最後一站。

連拿在社交網發文：「告別呢個過去、現在同將來都是我屋企嘅地方並唔容易，我喺呢度有太多回憶。不過依家係時候寫下句號。相信我哋會再相聚，因為人生總會令你返到嗰啲曾經覺得開心嘅地方。

依家我要物色自己職業生涯最後一站，我已經準備好，亦好有動力。感謝所有人，你哋令呢度成為一個值得紀念嘅舞台。」

連拿2000年在巴塞隆拿出道，生涯長達24年，踢勻歐洲4大聯賽，贏過歐聯、英足盃、德甲同意大利盃，亦係西班牙捧2010世盃同2008及2012歐國盃成員。最近兩季喺維拉利爾，總共上陣43場，都算寶刀未老。