【有片】仲踢得！艾歷臣1傳1射率丹麥贏波

基斯甸艾歷臣寶刀未老！星期四(6日)凌晨國際熱身賽，丹麥主場2比1擊敗瑞典，喺曼聯淪為大後備嘅老將艾歷臣，交出1傳1射成功贏波最大功臣，包括完場前4分鐘嘅精彩絕殺，用行動證明自己仲有好大影響力。

艾歷臣喺曼聯失去正選，啱啱嗰季只踢過12場聯賽正選，不過返到國家隊就繼續擔大旗，今場2分鐘就角球助攻賀積查治頂入，雖然瑞典9分鐘就由阿歷山大伊沙克追平，不過艾歷臣喺86分鐘禁區外推順轟入世界波，為丹麥絕殺贏波。

艾歷臣精彩絕殺：https://twitter.com/i/status/1798428319815434407　

32歲嘅艾歷臣賽後表示，今場死球助攻比入波更開心：「用死球入波非常美妙，我哋最近嘅死球戰術收唔到效果，我覺得我可以作出貢獻，而能夠成為決定比賽嘅人，感覺好正。」艾歷臣喺上屆歐國盃首場分組賽，因心臟病發暈倒球場，並缺席當屆餘下賽事，今屆將再以隊長身份再戰歐國盃。