利物浦天降橫財　蘇蘭基帶挈執1000萬鎊？

利物浦近年嘅轉會操作備受好評，除咗買人眼光獨到之外，就連賣人都相當識玩。利物浦5年前以1,900萬鎊高價賣走新人蘇蘭基，時隔多年，呢位26歲前鋒啱啱個英超球季大爆發，仲有機會帶挈「紅軍」袋多1,000萬鎊！

蘇蘭基喺車路士青年軍出身，但上位後即被利物浦挖角，不過佢效力「紅軍」唔夠2年，喺2019年被賣去般尼茅夫，當時1,900萬鎊轉會費已經被讚賣出個「靚價」，但據英國《每日電訊報》報道，原來蘇蘭基合約仲有轉售分帳條款，當般尼茅夫賣走呢位前鋒，利物浦可以喺轉會費入面再分20%！

蘇蘭基喺23/24球8季英超入咗19球，英格蘭球員當中入波僅次於22球嘅高爾彭馬，據報車路士已將佢列入收購目標名單，而般尼茅夫目前叫價5,000萬鎊，若果順利達成交易，利物浦將再執1,000萬鎊，認真和味！