白禮頓斟聖保利主帥　成事將破英超紀錄

白禮頓早前同領隊迪薩比解約後，至今仍然未搵到新帥接手，據英國《太陽報》報道，「海鷗」依家睇中聖保利教練靴斯拿，呢位德國教頭依家只得31歲，如果真係接掌白禮頓教鞭，就會成為英超史上最年輕領隊。

白禮頓原本目標係葉士域治嘅基蘭麥堅拿，不過佢已經同宣布續約，白禮頓依家就轉移目標斟靴斯拿，呢位年輕教頭從未教過頂級聯賽球會，但執教聖保利1年半，啱啱嗰季就帶領球隊以德乙冠軍身份升班，潛力十足。

意大利名將林巴度喺1998年，以32歲之齡擔任水晶宮球員兼領隊，係英超史上最年輕正式領隊(賴恩美臣28歲教熱刺，但只係看守領隊)，如果靴斯拿真係執教白禮頓，就會打破紀錄。