巴塞17歲天才中堅無緣歐國盃　轉戰奧運

西班牙國家隊主帥富安迪公布出戰今屆歐國盃最終26人名單，相比之前29人初選名單，巴塞隆拿17歲中堅古巴斯、馬體會中場馬高斯洛蘭迪、基羅納中場阿歷斯加西亞遭棄用，其中古巴斯將會轉為代表西班牙參加奧運男足，意味會錯過巴塞隆拿部份季前集訓。

上述3位被剔出名單嘅球員都以正選出戰早前熱身賽對安道爾，該仗西班牙大勝5比0，但主帥富安迪最終冇將佢哋列入歐國盃大軍名單，根據西班牙《世界體育報》爆料，古巴斯落選之後，將會轉戰奧運。

巴黎奧運男足賽事將於7月24日至8月9日舉行，新一季西甲將於8月14日開鑼，如果西班牙打入奧運男足決賽，古巴斯將錯過巴塞隆拿季前集訓。至於另一位巴塞隆新星、16歲前鋒耶馬獲富安迪留用踢歐國盃。