蘇蘭基有解約條款 只對特定球隊有效

2024年06月08日 22:03
東網電視
更多新聞短片
蘇蘭基合約中有解約條款。(Getty Images)
般尼茅夫射手蘇蘭基今季大爆發,各項賽事攻入21球4助攻,係佢征戰頂級賽事新高,表現好自然吸引豪門關注,據報呢位26歲前鋒同般尼茅夫有解約條款,解約金6,500萬鎊(約6.5億港元),不過只對特定球隊有效,唔係個個都可以買。
蘇蘭基同般尼茅夫仲有3年約,合約至2027年,如果無球會斟介,佢可以安心做般尼茅夫球王,不過據英國傳媒報道,佢合約中有解約條款,觸發金額為6,500萬鎊,仲要特定球會先可以買。
解約條款規定,只接受英超及其他歐洲豪門,或已取得歐洲賽事資格球隊,先可觸發,其他球隊免問。
蘇蘭基是車路士青訓產品,不過從未為車路士上陣,初出道外借到維迪斯,2017年轉投利物浦,上陣27場入1球,2019年以1,900萬鎊轉投般尼茅夫至今,當年轉會有附帶條款,如果有球會用6,500萬鎊觸發解約條款收購,利物浦可獲900萬鎊分帳。