朗奴高文妻癌症復發　叫老公專注歐國盃

荷蘭喺歐國盃決賽周前出現壞消息，領隊朗奴高文嘅太太芭天娜宣布癌症復發，將要接受緊密嘅治療。不過芭天娜就叫朗奴高文專心帶領國家隊，並祝願佢幫荷蘭贏個歐國冠軍盃返嚟。

芭天娜喺2010年曾患乳癌，之後經過連串治療後康復，2018年發現癌症復發並擴散，但做化療後控制住，可惜喺歐國盃開波前1個星期，又再發現癌細胞再度活躍，需要接受連串治療。

芭天娜日前主動公開病情：「我每3至4個星期就要去阿姆斯特丹嘅癌症醫院做治療，我係個獨立同堅強嘅女性，可以自己面對，所以朗奴高文唔需要分心，佢非常專業而且熱愛自己嘅工作，我希望佢嘅努力得到回報，喺歐國盃行好遠嘅路，並成為最後冠軍。」