香港隊　臨時獲補選　林衍廷：狀態冇問題

香港隊將於周二（11日） 的「2026世界盃暨2027亞洲盃聯合外圍賽第二圈」E組賽事，跟土庫曼交鋒，於上場對伊朗前獲補選的林衍廷（FatGor），強調即使在落實加盟港超球會東方前，未有跟港隊操練，但相信狀態和默契不成問題。

港隊早前有孫銘謙因傷退隊，結果東方提早落實簽入FatGor，令其得以安心接受「大港腳」徵召，補選入隊，他直言雖然上星期與新球會處理合約事宜期間，未能參與港隊操練，但有信心自己具備足夠狀態應付大戰：「之前成個禮拜冇跟大家練波，難免要花啲時間搵番感覺，不過投入操練後，狀態恢復得七七八八，而且我同隊友夾慣夾熟，默契應該冇乜問題。」

FatGor又認為球隊上場面對伊朗表現已有所交代，盼望大家盡快適應土庫曼炎熱天氣，在最後1場分組賽全力爭勝：「上場Wolf（暫代主教練盧斯爾）叫我哋照番『安帥』（莊恩安達臣）嗰套去踢，點知仲入到伊朗兩球，真係好難得，但今場作客土庫曼都唔易踢，因為嗰度比想像中熱，希望大家適應好環境，爭取贏波。」