西媒吹奏世紀交易　阿諾特換洛迪高

西班牙傳媒近日吹奏一宗皇馬同利物浦球員交換，如果成事都算係大deal，就係利物浦用阿歷山大阿諾特加現金，交換皇馬嘅洛迪高高斯。

據報利物浦一直視洛迪高高斯為穆罕默德沙拿理想接班人，曾開價6,000萬歐元(約5.4億港元)收購但遭拒絕，早前加碼至8,000萬歐元(約6.8億港元)仍未有結果。

另邊廂皇馬鋒線人滿為患，簽入基利安麥巴比及巴西18歲天才恩迪克後，洛迪高高斯出場順序向後退，如果尚有4年約嘅洛迪高高斯要求離隊，皇馬唔會阻止，但轉會費要價1.1億歐元(約9.35億港元)。

利物浦打算將阿歷山大阿諾特加入交易，原因係阿諾特合約進入最後1年，高普離隊令其前途變得不確定，其身價估計為7,000萬歐元(約5.95億港元)，而且皇馬正物色丹尼爾卡華積接班人，用阿諾特加錢交換洛迪高，皇馬將意願進行談判。

西班牙傳媒認為此宗交易有機會促成，不過英國傳媒認為機會不大，因為阿諾特是利物浦青訓產品，隊內重要成員，預計會耗費資源續約留人。