法蘭基迪莊傷勢未愈退隊　無緣歐國盃

荷蘭近期熱身賽表現大勇，連續2場大勝4比0，但同時亦收到不利消息，中場主將法蘭基迪莊因為足踝傷勢未愈，正式宣布退隊，無緣今屆歐國盃。

荷蘭足總發表聲明，證實法蘭基迪莊無法參加歐國盃，並已經立即退隊，返回所屬球會巴塞隆拿接受治療及康復工作。

現年27歲嘅法蘭基迪莊曾經為荷蘭上陣54場入2球，屬於「橙衣兵團」正選，但佢今季備受傷患問題困擾，右腳足踝已經3次受傷，並且自4月西甲對皇馬之後，一直養傷。原本佢希望盡最後努力，爭取復出踢歐國盃，但最終都未能成事，法蘭基迪莊喺社交網表示，對於無奈退隊，深感失望。