杜曹拒絕教曼聯　坦哈格帥位穩陣了

根據「轉會權威」記者羅曼諾(Fabrizio Romano)爆料，德國名帥杜曹已經拒絕擔任曼聯領隊，並計劃休息一段長時間，今夏唔會接手執教任何球隊。

杜曹喺德甲收咧之後離開拜仁慕尼黑，據悉呢位50歲前車路士主帥近幾星期曾經同曼聯新股東拉特克利夫有數次接觸，但杜曹現已決定終止談判，唔會接掌紅魔鬼帥印，令面臨備受下台壓力嘅坦哈格留隊機會大增。

英國《每日郵報》指曼聯將於今個星期內，決定坦哈格去留問題，隨住杜曹退出競逐，如果紅魔鬼換帥，新領隊人選可能係前車仔領隊普捷天奴、賓福特主帥法蘭克、前白禮頓領隊迪薩比。