明奈解開身高之謎：我有6呎高！

曼聯新星明奈過去1年火速上位，依家更入選英格蘭歐國盃大軍，呢位19歲中場一直被評「短小精悍」，但原來明奈一直都被誤會，佢日前喺節目入面公開「度高」，證實自己有6呎身型！

喺英超官方網站同維基百科資料入面，明奈嘅身高都係1米75，佢日前同高爾彭馬出席英格蘭足總嘅網上節目，就講到明奈身高問題。主持人丹素話：「有個關於明奈嘅趣事，網上資料話你得5呎7吋，但你四圍同人講你有6呎高。」高爾彭馬隨即笑笑口問：「咁你即係幾高？」

明奈回應：「我6呎，點解你喺度笑？我發誓。」主拎隨即拎出一把尺叫高爾彭馬為佢度高，結果顯示佢真正身高有1米84，即係超過6呎，事實證明明奈並冇講大話。