一項數據顯示　歐國盃揭幕戰變「老人賽」

今屆歐國盃揭幕戰將於周六(15日)凌晨舉行，德國對蘇格蘭，根據統計，雙方屬於今屆賽事24支球隊之中，球員平均年齡最大嘅前兩隊，難怪被網民嘲諷係「老人賽」。

蘇格蘭球員平均年齡達28.89歲排第一，德國以28.59歲緊隨其後，不過最老球員並非來自呢兩隊，而係葡萄牙41歲中堅比比。

至於平均年齡最低球隊係捷克，只有25.74歲，至於今屆最年輕球員係西班牙前鋒耶馬，呢位新星將於7月13日先至滿17歲。

另外，曼城同國際米蘭成為最多位球員參加今屆歐國盃嘅球會，兩隊同樣有13人出戰，皇馬、巴塞隆拿、巴黎聖日耳門同樣以12人緊隨其後。